Agrosanoat inspeksiyasining Qashqadaryo viloyati boshqarmasi boshlig‘i tayinlandi

Donayev Sultonmurod Xolboyevich - O‘zbekiston Respublikasi Qishloq xo‘jaligi vazirligi huzuridagi Agrosanoat majmui ustidan nazorat qilish inspeksiyasining Qashqadaryo viloyati boshqarmasi boshlig‘i lavozimiga tayinlandi.

U 1983 yil Koson tumanida tug‘ilgan. Qarshi davlat universiteti va Toshkent davlat iqtisodiyot universiteti magistraturasini tamomlagan.

S.Donayev Koson tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari va Qashqadaryo viloyati hokimligi Tashkiliy-nazorat guruhi rahbari lavozimlarida ishlagan.

Tayinlovga qadar viloyat Maktabgacha va maktab taʼlimi boshqarmasi boshlig‘ining maktabgacha taʼlim bo‘yicha o‘rinbosari lavozimida ishlab kelayotgan edi.