Qarshi tumanida bayram arafasida yangi davlat bo`gchasi bolajonlar uchun eshigini ochdi

Qarshi tumani "Mevazor" MFYda yangi yil arafasida 330 o‘rinli 8-sonli davlat maktabgacha ta’lim tashkiloti (DMTT) faoliyati yo‘lga qo‘yildi.

DMTTda o‘tkazilgan ochilish bayram tantana tadbirlari ham barchada katta taassurot qoldirdi.

Tadbirda tashkilotdagi katta, o‘rta va kichik yoshdagi bolajonlar o‘ziga xos chiqishlar qilib, yig‘ilganlarni mamnun etdilar. Ular tomonidan ijro etilgan musiqaviy chiqishlar, sahna ko‘rinishlari bayramona kayfiyat ulashdi. Ayniqsa, tarbiyachilar tomonidan bu tadbirga o‘zgacha tayyorgarlik ko‘rilganligi yaqqol sezildi.

Ko‘tarinki ruhda o‘tgan bayram tadbiri barchada unutilmas taassurot qoldirdi.

Ushbu tadbirlarda tuman hokimi va sektor rahbarlari ishtirok etishdi.