Qarshi tumanida yoshlar festivali o‘tkazildi

Qarshi tumanidagi yoshlar xiyobonida «"Yangi O‘zbekiston yoshlari, birlashaylik"!» shiori ostida yoshlar festivali o‘tkazildi.

Unda futbol va mini futbol bo‘yicha DXX kubogida ishtirok etgan yoshlar ishtirok etdi. Tadbir avvalida g‘oliblar taqdirlandi.

Shu kuni bog‘da “Yangi O‘zbekiston yoshlari birlashaylik” harakati ostida o‘tkazilayotgan Yoshlar festivali doirasida taniqli estrada xonandalari ishtirokida konsert dasturi namoyish etildi.

Ulkan sahna oldida vatanparvar shiorlarni hayqirib, O‘zbekiston bayroqlarini hilpiratib turgan minglab yoshlar qatorida tuman hokimi boshchiligidagi sektor rahbarlari ham yoshlar bayramini birgalikda nishonladi.

Sahnada ijro etilgan qo‘shiqlarda Ona Vatanga sadoqat, buyuk ajdodlarimizga muhabbat, jonajon yurtimiz, xalqimiz va Prezidentimiz uchun cheksiz g‘urur, ertangi kunga ishonch g‘oyalari yangradi.

Konsert kulminatsiyasida otilgan mushaklar barcha ishtirokchilarni o‘ziga rom etib, unutilmas zavqli kayfiyat baxshida etdi.