Tumanimiz yoshlariga unutilmas onlarni taqdim etgan DXX Kubogi taqdirlash marosimi o`tkazildi

Qarshi tumanida futbol va mini futbol bo‘yicha DXX kubogi musobaqasining tuman bosqichi g‘oliblarini taqdirlash marosimi o‘tkazildi.

“Yoshlar oyligi” doirasida o‘tkazilgan tadbirda ishtirok etgan tuman hokimi g‘oliblarni muborak etdi va ularni viloyat va respublika bosqichlarida oliy o‘rinlarni egallashlariga tilak bildirdi. Shundan so‘ng tuman hokimi boshchiligidagi barcha sektor rahbarlari hamda Qarshi tumani DXX vakillari tomonidan mini futbol boyicha yigitlar va qizlar hamda futbol boyicha otgan musobaqalarning birinchi, ikkinchi, uchinchi orinlarni qo`lga kiritgan g‘oliblarga diplom va qimmatbaho sovg‘alar topshirildi.

Musobaqa natijalariga ko‘ra, mini-futbol bo‘yicha (yigitlar ortasida) g‘oliblik «Kaxlak» jamoasi yoshlariga nasib etgan bo‘lsa, «Tallikuron» jamoasi ikkinchi, «Xoniyon» jamoasi esa uchinchi o‘rinni egalladi. Qizlar ortasida otkazilgan baxslarda esa g‘oliblikni «Poshton» jamoasi, «Xoniyon» jamoasi ikkinchi, «Gulshan» jamoasi uchinchi o‘rinni qolga kiritdi.

Futbol bo‘yicha o‘tkazilgan bellashuvlarda «Yertepa» jamoasi birinchi, «Paxtazor» jamoasi ikkinchi o‘rinni egalladi. Uchinchi o‘rin «Saroy» jamoasiga nasib etdi.

Malumot uchun, musobaqalarda birinchilikni qolga kiritgan «Kaxlak», «Poshton» va «Yertepa» jamoalari viloyat bosqichiga yollanmani qolga kiritishdi.