Қашқадарёда маҳалладаги "бешлик" таклиф бериб, мукофот олади

Вилоят ҳокими Муротжон Азимов Қашқадарё вилоятида жиноятчилик ва ҳуқуқбузарликни олдини олиш ва профилактика қилиш бўйича энг яхши таклиф берган ва ўз фаолиятини оммалаштирган сектор раҳбари ва маҳалладаги "бешлик"ни 5 млн.сўмдан рағбатлантириб борилишини маълум қилди.

Бу ҳақда "жиноятни олдини олишда, қидирувдаги жиноятчиларни аниқлаган кузатув камера эгасини (уй эгаси, бозор, савдо дўкони, чойхона, кафе, уй-жой ширкати ва бошқа корхона, ташкилот раҳбарлари) ҳокимлик ҳисобидан 5 млн. сўмдан рағбатлантираман", - деди вилоят ҳокими.

Вилоят ҳокимининг сўзларига кўра, бундан вилоятда жиноятчилик ва ҳуқуқбузарликни олдини олиш ва профилактика қилишни самарали ташкил этишда катта наф бўлади.