Qashqadaryoda mahalladagi “beshlik” taklif berib, mukofot oladi

Viloyat hokimi Murotjon Azimov Qashqadaryo viloyatida jinoyatchilik va huquqbuzarlikni oldini olish va profilaktika qilish bo‘yicha eng yaxshi taklif bergan va o‘z faoliyatini ommalashtirgan sektor rahbari va mahalladagi “beshlik”ni 5 mln.so‘mdan rag‘batlantirib borilishini maʼlum qildi.

Bu haqda "jinoyatni oldini olishda, qidiruvdagi jinoyatchilarni aniqlagan kuzatuv kamera egasini (uy egasi, bozor, savdo do‘koni, choyxona, kafe, uy-joy shirkati va boshqa korxona, tashkilot rahbarlari) hokimlik hisobidan 5 mln. so‘mdan rag‘batlantiraman", - dedi viloyat hokimi.

Viloyat hokimining so‘zlariga ko‘ra, bundan viloyatda jinoyatchilik va huquqbuzarlikni oldini olish va profilaktika qilishni samarali tashkil etishda katta naf bo‘ladi.