Qarshi tumanida “Biz bir bo‘lsak - yagona xalqmiz, birlashsak - Vatanmiz” shiori ostida yoshlar festivali nishonlandi

Yoshlar festivali doirasida tumanimizda madaniy-maʼrifiy tadbir, sport musobaqalari, tadbirkorlar bilan uchrashuvlar, intellektual o‘yinlar, ko‘rik-tanlovlar, harbiy-vatanparvarlik, mehnat yarmarkalari o‘tkazildi.

Shu kuni yoshlarni yoshlarni mamlakatimizda amalga oshirilayotgan islohotlarga daxldorlik va vatanparvarlik tuyg‘usini shakllantirish va ijtimoiy faolligini oshirishga qaratilgan shiorlar bilan bezatilgan tumanimiz uzra o‘zgacha shukuh, shodumonlik va ko‘tarinkilik hukmron edi.

Festival doirasida tumanimiz yoshlarini doimiy daromad manbaiga ega qilish maqsadida"Yoshlar daftari" ga kiritilgan 26 nafar yoshga asbob-uskunalar va mehnat qurollari taqdim etildi.

Shu kuni tuman “Markaziy” o‘yingohida ayniqsa, festivalning yakunlovchi qismi - gala-konsert dasturi tumanimiz yoshlariga ko‘tarinki kayfiyat ulashdi. Tadbir davomida vohaning el ardog‘idagi xushovoz xonandalari va Poytaxdan kelgan mashhur sanʼatkorlarning chiqishlarini bayram tadbiri qatnashchilari gulduros qarsaklar va olqishlar bilan qarshi olishdi. Dilrabo kuy-qo‘shiqlar raqslarga ulanib ketdi.