Daraxt kesganlarga jarima solindi

Qarshi tumani Ekologiya va atrof muhitni muhofaza qilish bo‘limi xodimlari tomonidan navbatdagi reyd tadbiri o'tkazildi.

Reyd tadbiri davomida inspektorlar tumandagi "Potron" MFY hududida fuqarolar A.B va N.B tomonidan 1 dona tut, 1 dona jiyda hamda 1 dona qayrag‘och daraxtlarini tag qismidan kesganligi holati aniqlangan.

Ushbu holat yuzasidan huquqbuzarlarga nisbatan O‘zbekiston Respublikasi MJTK-ning 79-modda 1-qismi bilan ma’muriy bayonnoma rasmiylashtirilib, 3 mln so‘m jarima hamda tabiatga yetgazilgan 27 mln 600 ming so‘m zarar qo‘llanildi.

T.Turdiyev,

Qarshi tumani hokimining matbuot kotibi.