"Tashabbusli byudjet" loyihasining 2-mavsumida Qarshi tumanidan 7 ta loyiha g‘olib deb topildi

“Tashabbusli byudjet” loyihasining 2-mavsumi g‘oliblari e‘lon qilindi. Unga ko‘ra, Qarshi tumanidan 7 ta loyiha eng ko‘p ovoz to‘plab, g‘olib deb topilgan.

Xususan, Qarshi tumani "Uzumzor" MFY O‘zbekiston ko‘chasidan Mustaqillik va Nurli ko`chalari orqali o`tuvchi ichki yo`llarni asfalt qilish uchun eng ko‘p 7 221 ta ovoz to‘plandi.

Bundan tashqari, "Qoraquchchi" MFY ning eng katta - Bog`ot ko`chasini asfaltlashtirish uchun 7 218 ta, "Mustaqillik" MFY aholisi tomorqasiga oqavo suv yetib borishi uchun suv haydash nasosi, 2 ta gidrant , 2000 metr masofaga diametri 300 mm li, qalinligi 15 mm li polietilen quvurlar tortish uchun 6 255 ta, "Potron" MFYning Kelajak, Obodon, Tabassum ko`chalarini asfaltlashtirish uchun 5 422 ta, "Mang`it" MFY Beruniy va Qashqadaryo ko`chalarini asfatlashtirish uchun 5 369 ta, "Potron" MFY Yangi hayot ko`chasini asfaltlashtirish uchun 5 245 ta, "Tallikuron" MFY Quyi Baqirchi qishlog`i aholisi esa 2 km ta`mirtalab yo`llariga asfalt yotqizish uchun 4 898 ta ovoz to‘plab, g‘olib bo‘ldilar.

Ma`lumot uchun, mazkur 7 ta loyihaga 9 737 102 546 so‘m mablag‘ yo‘naltiriladi.